Rritja ekonomike për tremujorin e dytë të vitit është 4.06%.<br /><br />Instituti i Statistikave raporton se ekonomia në këtë periudhë ka marrë hov nga sektori i ndërtimit, i cili ka patur kontributin më të madh nga të gjitha degët e tjera të ekonomisë.<br /><br />Po të krahasohet me një vit më parë, ndërtimi është rritur në terma vjetorë me 22.6%, përqindja më e lartë e tij gjatë viteve të fundit, pas rënies që pësoi nga kriza globale.<br /><br />INSTAT raporton një shtim të vlerës së parave të investuara në ekonomi nga projekte ndërtimi, si ato të gazsjellësit TAP, apo të veprave publike në rrugë e stadiume.<br /><br />Një tjetër sektor që i është rikthyer rritjes është edhe ai industrisë nxjerrëse, ndërsa dega e shërbimeve ka pësuar rënie për shkak të reduktimit të kompanive që operojnë fushën ?Call Center?.<br /><br />Të gjitha institucionet financiare ndërkombëtare parashikuan se në periudhën Prill - Qershor, Shqipëria do të kishte një rritje ekonomike poshtë potencialeve të saj për shkak të situatës politike dhe vitit elektoral.<br /><br />Ky është një nga tremujorët më të mirë për rritjen e Prodhimit të Brendshëm Kombëtar. Që nga viti 2013 -të e deri tani Shqipëria e ka patur vetëm në 3 periudha rritjen e ekonomisë në këto nivele.<br /><br />Tv Klan
